Җәмгыять 10 август 2017 21:05

Татарстанда трассада пошиларны бәрдерү очраклары арткан

Хайваннар дөньясы объектларын саклау идарәсе автомобиль йөртүчеләргә юлларда игътибарлы булырга киңәш итә.

Скопировать ссылку

(Казан, 10 август, "Татар-информ"). Татарстан Республикасы хайваннар дөньясы объектларын саклау идарәсе автомобиль йөртүчеләргә юлларда игътибарлы һәм сак булырга киңәш итә. Соңгы вакытта трассага урманнарда яшәүче пошиларның чыгу очраклары күзәтелгән, дип хәбәр итә әлеге оешманың матбугат хезмәте. Хайваннар, эссе көннәрне авыр кичереп, сулык эзләп йөриләр.

Пошиның уртача авырлыгы 350–400 кг тәшкил итә, ә буе 2 метр тирәсе. Зур тизлек белән хәрәкәт иткән машина астына эләккән хайван, гадәттә, шунда ук һәлак була яки авыр җәрәхәтләр ала. Машина йөртүчеләр һәм пассажирлар өчен дә мондый очрашу имгәнүләр һәм машинага зыян килү белән тәмамланырга мөмкин.

#поши #трасса #автомобиль #юл-транспорт һәлакәте

Сәхифәләр

Татарстанда трассада пошиларны бәрдерү очраклары арткан