Хәвеф-хәтәр 24 октябрь 2023 21:09

Татарстанда трассада газ баллоны шартлау сәбәпле юл һәлакәте булган, ике кеше үлгән

Скопировать ссылку

Бүген Казан - Оренбург трассасының 222нче километрында кичке сәгать бишләр тирәсендә коточкыч авария була. Бу хакта «Татар-информ»га Россия Эчке эшләр министрлыгының ТР буенча матбугат хезмәтендә сөйләделәр.

Алдан алынган мәгълүматлар буенча, Әлмәт районында Кузайкино авылы янындагы юлда УАЗ һәм Mercedes бәрелешкән. Бәрелеш нәтиҗәсендә УАЗ автомобилендә булган газ баллоны шартлый.

УАЗ машинасында булган ике кеше ут эчендә калып һәлак була. Тагын бер кеше «буханка» машинасыннан очып чыгып, җәрәхәтләр ала. Чит ил машинасы йөртүчесе исән, ул төрле дәрәҗәдәге җәрәхәтләр алган.

«Хәзерге вакытта булган хәлләрнең барысы да ачыклана», – дип билгеләп үттеләр ведомствоның матбугат хезмәтендә.

Сәхифәләр

Татарстанда трассада газ баллоны шартлау сәбәпле юл һәлакәте булган, ике кеше үлгән