Татарстанда трассада чөгендер төягән «КАМАЗ» ауган - фото
Машина йөртүче идарәне югалткан һәм автомобиль юлдан читкә киткән.
Скопировать ссылку
(Казан, 25 октябрь, «Татар-информ», Светлана Белова). Бүген көн уртасында Зәй – Әлмәт трассасында «КАМАЗ» юл кырыена ауган, дип хәбәр итә Россия Гадәттән тыш хәлләр министрлыгының Татарстан буенча Баш идарәсе матбугат хезмәте.
59 яшьлек машина йөртүче идарәне югаткан, күп тонналы йөк машинасы ауган. Һәлакәт урынына килеп җиткән коткаручылар машина аккумуляторын ут капмасын дип сүндереп куйганнар.
Машина йөртүчесен авыр хәлдә Зәй үзәк район хастаханәсенә алып киткәннәр.
