Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татарстанда тәүлек эчендә коронавирусның меңгә якын очрагы теркәлгән
Татарстанда узган тәүлектә Covid-19 коронавирусын йоктыруның 971 яңа очрагы ачыкланган, бер көн алдан исә 942 кеше авырганлыгы теркәлгән иде. Бу стопкоронавирус.рф порталы мәгълүматларыннан күренә.
Хастаханәләргә 100 пациент китерелгән. «Татар-информ» хәбәр иткәнчә, кичә хастаханәгә 106 авыру кергән иде.
2022 елның 14 сентябренә булган мәгълүматларга караганда, пандемия башланганнан бирле Татарстанда рәсми рәвештә 166 516 авыру очрагы теркәлгән. Республиканың 155 620 кешесе савыккан, шул исәптән 1038е соңгы тәүлектә (элек дәваланган 1236 авыру турында билгеле булган иде).
Шул ук вакытта төбәктә бер тәүлек эчендә коронавирустан үлүчеләр рәсми рәвештә теркәлмәгән. Шулай итеп, Татарстанда Сovid-19 вирусыннан вафат булганнарның гомуми саны 2003 ,соңгы тапкыр үлүчеләр турында мәгълүмат 6 сентябрьдә пәйда булган иде.
Татарстан Президенты Рөстәм Миңнеханов узган шимбәдә коронавирус белән авыручылар саны артуга игътибар итте. Ул республика халкына битлекләр киеп йөрергә, прививка ясатырга киңәш итте. Казанда метро станцияләре янында Сovid-19 инфекциясеннән вакцинация пунктлары эшли башлады.
Кызыклы яңалыкларны күзәтеп бару өчен Телеграм-каналга язылыгыз