news_header_top
Руc Тат
16+
news_header_bot
news_top
Җәмгыять 17 сентябрь 2024 16:47

Татарстанда татар келәмнәрен туку кәсебен торгызу буенча креатив лаборатория уза

Скопировать ссылку

16 сентябрьдән 30 сентябрьгә кадәр «Таткультресурс үзәге» учреждениесе базасында «Өч татар келәме» креатив лабораториясе уза. Аңа якын чит илләрдән - Кыргызстан һәм Азәрбайҗан республикаларыннан, шулай ук Кырым һәм Башкортстан республикаларыннан осталар чакырылган. Бу хакта Татарстан Мәдәният министрлыгы матбугат хезмәте хәбәр итә.

Өйрәнү дәресләре Президентның Мәдәни инициативалар фондыннан грант ярдәме алган «Өч татар келәме» креатив лабораториясе» проектын гамәлгә ашыру кысаларында үткәрелә. Уникаль проект Татарстан Мәдәният министрлыгы, Татарстан Фәннәр академиясе, «Таткультресурсцентр» һәм Татарстанның «Киез нур» төбәк иҗтимагый оешмасының уртак эше нәтиҗәсендә барлыкка килде.

Проект «Өч татар келәме» креатив лабораториясе эшчәнлеге нәтиҗәсендә йон, тукыма һәм киез келәм ясауның уникаль технологияләрен һәм принципларын саклап калуга, торгызуга һәм заманча форматка үзгәртүгә юнәлдерелгән. Шулай ук, ул профессиональ осталарның квалификациясен күтәрүне, шулай ук балаларны, яшьләрне, урта һәм өлкән яшьтәге кешеләрнең ялын оештыру һәм өйрәтү юлы белән Татарстан халкы арасында татар келәмен ясауны популярлаштыруны үз эченә ала.

Проектның уникальлеге Татарстан Республикасы территориясендә бетеп барган келәм туку кәсебен яңадан торгызу. Анда милли колорит һәм традицион келәмнәр туку технологияләрен заманча үзгәртеп кору керә.

Осталарның йомгаклау эшләреннән күргәзмә һәм «60 татар келәме» каталогын чыгару проектның нәтиҗәсе булачак, диелгән хәбәрдә.

news_right_1
news_right_2
news_bot