news_header_top
16+
news_header_bot
news_top

Татарстанда ташландык йортта янгын чыгып, бер кеше үлгән

Кичә иртән-иртүк Келәнче авылында бер катлы кирпеч йорт яна башлаган

(Казан, 4 октябрь, "Татар-информ"). Югары Ослан районында ташландык йортта янгын чыгып, бер ир-ат һәлак булган. Бу турыда Татарстан буенча Гадәттән тыш хәлләр министрлыгы матбугат хезмәте хәбәр итте.

Кичә иртән-иртүк Келәнче авылында бер катлы кирпеч йорт яна башлаган. Янгын 24 квадрат метр мәйданны биләп алган.

Янгын сүндерүчеләр килгәнче үк, шаһитлар бу йортта 40 яшьлек ир-ат мәетен тапкан.

Якынча мәгълүматлар буенча, янгын тәмәке төпчегеннән чыккан булуы ихтимал.

news_right_1
news_right_2
news_bot