Татарстанда талгын җил һәм +5 градуска кадәр җылы булуы көтелә
Скопировать ссылку
Бүген, 17 мартта, Татарстанда җылы һава торышы саклана, ул карның акрын гына эрүенә ярдәм итәчәк. Бу хакта ТР Гидрометеорология һәм әйләнә-тирә мохитне күзәтү идарәсе хәбәрендә әйтелә.
Республикада алмашынучан болытлы һава торышы саклана, явым-төшем көтелми. Көньяктан искән җилнең тизлеге секундына 5-10 метрдан артмаячак. Юлларда бозлавык барлыкка киләчәк.
Төнге суыклардан соң (төнлә -4..-9 градус, аязган вакытта -14 градуска кадәр салкын булды) көндезге сәгатьләрдә Татарстанда һава температурасы 0..+5 градуска (ТР башкаласында +2..+4 градуска) кадәр күтәрелә.