Татарстанда такси турындагы канун камилләштерелә
Татарстанда такси автомобильләре саны 24,4 мең берәмлектән артып киткән. Хәзерге вакытта транспортның бу төре буенча законнарны камилләштерергә кирәк. Бу хакта ТР Дәүләт Советы утырышында ТР транспорт министры Фәрит Хәнифов хәбәр итте.
«Такси – уңайлы транспорт, әмма закон эшләнеп бетмәгән, без бүген шуның белән шөгыльләнәбез дә», – дип белдерде Хәнифов.
Аның сүзләренә караганда, узган ел гына да министрлыкка пассажир ташучылардан 700 гариза кергән. Шул ук вакытта җәмәгать транспортында да пассажирлар агымы үсүен дәвам итә: ковидка кадәрге 2019 ел белән чагыштырганда автобуслар пассажирларны 25 процентка күбрәк ташыган, ә еллык үсеш якынча 4 процент тәшкил итә. Тариф биш ел эчендә нибары 6,3 процентка арткан.