Татарстанда такси һәм җиңел автомобиль бәрелешеп, бер кеше зыян күргән
Авария кичә республиканың Тукай районы Әҗмәкәй авылы янында булган.
Скопировать ссылку
(Казан, 11 гыйнвар, «Татар-информ», Полина Шевчук). Татарстан юлында такси һәм җиңел автомобиль бәрелешү нәтиҗәсендә бер кеше зыян күргән. Бу хакта «Татар-информ»га агентлыкның үз хәбәрчесе авария урыныннан хәбәр итте.
Авария кичә республиканың Тукай районы Әҗмәкәй авылы янында булган. Биредә «Рено» һәм «Хендэ» автомобильләре юлны бүлешә алмаган.
Нәтиҗәдә, Корея автомобиле кюветка төшеп киткән, такси исә юлга аркылы баскан.
«Юл һәлакәтендә „Хендэ“ шоферы төрле тән җәрәхәтләре алган. Аны ашыгыч ярдәм машинасында хастаханәгә озатканнар», - дип белдерде агентлык хәбәрчесе.
