Татарстанда тагын 50 кеше коронавирус инфекциясе йоктырган
Эпидемия башланганнан алып республикада коронавирус инфекциясенең 18 384 очрагы теркәлгән.
(Казан, 8 март, «Татар-информ»). Татарстанда соңгы тәүлектә Covid-19 коронавирус инфекциясе йоктыруның 50 яңа очрагы ачыкланган.
ТР Сәламәтлек саклау министрлыгының матбугат хезмәтеннән хәбәр итүләренчә, ике кеше чирне читтә йоктырып кайткан, калганнары башка авырулар белән аралашу нәтиҗәсендә эләктергән.
«20 кеше хастаханәгә озатылган, 30 кеше өендә дәвалана», - диелә ведомство хәбәрендә.
Инфекция йоктыручыларның күбесе 30-50 (15 кеше) һәм 60-70 яшь (15 кеше) аралыгында ачыкланган.
Казанда – 23, Чаллыда – 6, Нурлат районында – 7, Биектау районында – 3, Алабуга, Лениногорск, Питрәч һәм Тукай районнарында – икешәр, Азнакай, Алексеевск һәм Апас районнарында берәр очрак теркәлгән.
Эпидемия башланганнан алып республикада коронавирус инфекциясенең 18 384 очрагы ачыкланган, 15 028 кеше (шуларның икесе – узган тәүлектә) терелгән.