Җәмгыять 5 апрель 2021 14:06

Татарстанда тагын 35 кеше коронавирус инфекциясе йоктырган

Пандемия башланганнан алып республикада коронавирус инфекциясенең 19 597 очрагы теркәлгән.

Скопировать ссылку

(Казан, 5 апрель, «Татар-информ»). Татарстанда соңгы тәүлектә Covid-19 коронавирус инфекциясе йоктыруның 35 яңа очрагы ачыкланган.

ТР Сәламәтлек саклау министрлыгының матбугат хезмәтеннән хәбәр итүләренчә, бер кеше чирне читтә йоктырып кайткан, калганнары башка авырулар белән аралашу нәтиҗәсендә эләктергән.

«14 кеше хастаханәгә озатылган, 21 кеше өендә дәвалана», - диелә ведомство хәбәрендә.

Казанда – 10, Чаллыда – 10, Бөгелмә районында – 3, Лениногорск, Түбән Кама һәм Сарман районнарында – икешәр, Азнакай, Алексеевск, Лаеш, Минзәлә, Питрәч һәм Тәтеш районнарында берәр очрак ачыкланган.

Пандемия башланганнан алып республикада коронавирус инфекциясенең 19 597 очрагы теркәлгән. 16 606 кеше (шуларның алтысы – узган тәүлектә) терелгән.

Республикада барлыгы 148 467 кеше (шуларның 3 135е – узган тәүлектә) коронавируска каршы прививка ясаткан. 97 595 кеше икенче дозаны да алган.

Вакцинациягә РФ бердәм дәүләт хезмәтләре порталы, ТР дәүләт һәм муниципаль хезмәтләр порталы аша, 122 бердәм номеры буенча, Күп функцияле үзәккә һәм поликлиникага мөрәҗәгать итеп язылырга мөмкин.

#коронавирус #вакцина

Сәхифәләр

Татарстанда тагын 35 кеше коронавирус инфекциясе йоктырган