news_header_top_970_100
16+
news_header_bot_970_100

Татарстанда төнлә 26 градуска кадәр салкын булачак

Республика территориясендә һава торышын Себер антициклоны билгели.

Татарстанда төнлә 26 градуска кадәр салкын булачак
Владимир Васильев

(Казан, 8 декабрь, «Татар-информ»). Иртәгә, 9 декабрьдә, Татарстанда элек урнашкан аномаль салкын һава торышы саклана. Бу хакта Татарстан Гидрометеорология үзәге хәбәр итә.

Республикада алмашынучан-болытлы һава торышы көтелә. Шул ук вакытта явым-төшем булу ихтималы аз. Юлларда бозлавык хасил була. Төньяк-көнбатыштан көчле җил булачак, дип искәртә синоптиклар.

Төнлә төбәктә һава температурасы -14.. -19 градус, аязган вакытта -21..-26 градус булачак. Көндез -8..-13 градус булуы көтелә. 

Метеорологлар фаразы буенча, Татарстанда атна ахырына кадәр аномаль салкыннар торачак. Республика территориясендә һава торышын әлегә Себер антициклоны билгели, дип хәбәр иткән идек. 

autoscroll_news_right_240_400_1
autoscroll_news_right_240_400_2
news_bot_970_100