Татарстанда төнлә -20 градуска кадәр суыта
Көндез максималь һава температурасы -7..-12 градус булачак.
Скопировать ссылку
(Казан, 18 декабрь, “Татар-информ”). Татарстан Гидрометеорология һәм әйләнә-тирә мохитне күзәтү идарәсе фаразлары буенча, иртәгә – 19 декабрьдә, республикада алмашынучан болытлы һава торышы көтелә. Явым-төшем күзәтелми. Җил көньяк-көнчыгыштан исә, уртача тизлектә.
Минималь һава температурасы төнлә -9..-14, көнчыгыш районнарда аязган вакытта -15..-20 градус булачак. Көндез максималь температура -7..-12, көнчыгышта -14 градуска җитә. Юлларда бозлавык.
Казанда иртәгә шулай ук аязучан болытлы һава торышы күзәтелә. Явым-төшем көтелми. Төнлә -11..-13, көндез -8..-10 градус булачак, дип хәбәр итә синоптиклар.