Җәмгыять 21 ноябрь 2018 08:34

Татарстанда судно йөреше компаниясе төзиячәкләр

Компания экскурсия һәм ял итү маршрутлары буенча эшләүче “Чайка” проекты буенча төзелгән судно кулланачак.

Скопировать ссылку

(Казан, 21 ноябрь, “Татар-информ”). Республикада “Татарстанда эшләнгән” бренды нигезендә проектлаштырылган һәм төзелгән судноларны файдаланачак судно йөреше компаниясе төзү планлаштырыла. Бу хакта Татарстан Транспорт һәм юл хуҗалыгы министрлыгының матбугат хезмәте хәбәр итә.

Казаннан Зөя утрау шәһәрчегенә экскурсияләр һәм Казансуда ял итү маршрутлары буенча эшләүче “Чайка”суднолары проектын куллану күздә тотыла. Шулай ук бәйрәм чаралары уздыру хезмәтләрен дә күрсәтәчәк. Проектны киләсе елның өченче кварталында тормышка ашыру каралган.

“Чайка” проекты буенча төзелгән судно 250 пассажир сыйдырышлы теплоход рәвешендә. Анда пассажир салонына кондиционерлар системасы куелачак, аудио-визуаль җиһаз урнаштырылачак, Wi-Fi була. Судно проекты банкетлар уздыру өчен 200 урынга ресторан булдыруны күздә тота”, - диелгән министрлык хәбәрендә.

#теплоход #судно #туризм

Сәхифәләр

Татарстанда судно йөреше компаниясе төзиячәкләр