Татарстанда студент отрядлары өчен Татарстан Рәисенең күчмә вымпелы барлыкка киләчәк
Скопировать ссылку
Татарстанда республика Рәисенең «Татарстан Республикасында иң яхшы студент хезмәт отряды» күчмә вымпелы барлыкка киләчәк. Аны ел саен үткәрелә торган республика бәйгесе җиңүчесенә тапшырачаклар.
Тиешле указны Татарстан Рәисе Рөстәм Миңнеханов имзалаган. Документ ел саен студентларның хезмәт отрядлары арасында конкурс үткәрүне күздә тота.
Бүләкне гамәлгә кую республикада студентлар отрядлары хезмәт эшчәнлегенең әһәмиятен арттыруга һәм аларга карата кызыксыну уятуга юнәлдерелгән.