Спорт 20 декабрь 2004 16:27

Татарстанда спорт белән шөгыльләнүче балалар саны артты

Скопировать ссылку

(Казан, 20 декабрь, «Татар–информ», Наталья Рыбакова). Бүген Татарстанның 140 балалар–яшүсмерләр спорт мәктәбендә 103 меңнән артык бала шөгыльләнә, бу узган елгы белән чагыштырганда 12 процентка күбрәк. Агымдагы елда республикада җиде яңа спорт мәктәбе ачылган – Баулыда, Яңа Чишмә, Нурлат, Питрәч, Түбән Кама, Казан һәм Чаллыда. Әлеге саннар ТР Министрлар Кабинеты каршындагы халыкка гигиеник белем һәм тәрбия бирү буенча ведомствоара Совет утырышында яңгырады.

«Татар–информ» агентлыгына ТР Яшьләр эшләре һәм спорт министрлыгының массакүләм физик–сәламәтләндерү эше бүлеге башлыгы Светлана Никифорова хәбәр итүенчә, бүген республиканың балалар–яшүсмерләр спорт мәктәпләрендә 57 спорт төре буенча шөгыльләнәләр, футбол, чаңгы ярышлары, волейбол, милли көрәш һәм баскетбол аеруча популяр. Агымдагы елда махсуслаштырылган учреждениеләрдә өстәмә 164 тренер–укытучы ставкасы, тору урыннары буенча балалар белән эшләү өчен 116 һәм республиканың авыл районнарында 62 ставка кертелгән. Республиканың барлыгы 226 яшүсмерләр клубында спорт белән 43 мең кеше шөгыльләнә.

Сәхифәләр

Татарстанда спорт белән шөгыльләнүче балалар саны артты