Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татарстанда социаль учреждениеләрне Интернетка тоташтыруның беренче этабы тәмам
Өч елда «Таттелеком» республикада барлыгы 1913 объектны Интернет челтәренә тоташтырырга ниятли.
(Казан, 10 декабрь, «Татар-информ», Гөлнар Гарифуллина). Татарстанда, «РФ Цифрлы икътисады» илкүләм программасы кысаларында, социаль учреждениеләрне Интернет челтәренә тоташтыруның беренче этабы төгәлләнгән. Бу хакта ТР Министрлар Кабинетында брифингта ТР дәүләт идарәсен цифрлы нигездә үстерү, мәгълүмат технологияләре һәм элемтә министры урынбасары Альберт Яковлев әйтте.
Илкүләм программаның «Мәгълүмати инфраструктура» проекты кысаларында 566 социаль объект Интернетка тоташтырылган. Җепселле-оптик элемтә линияләрен кулланып, бу эшне «Таттелеком» җәмгыяте гамәлгә ашыра. Оешманың генераль директоры Айрат Нуретдинов сүзләренчә, 2021 елга кадәр 741 торак пунктта 1913 социаль объектка җепселле-оптик элемтә линияләре төзеләчәк.
Шулар арасында, 721 мәгариф оешмасы, 605 ФАП, 415 дәүләт хакимияте органнары, 82 МЧС объекты һәм башкалар.
«Россия Федерациясе территориясендә Цифрлы икътисад» программасын гамәлгә ашыруга керештеләр. Бу программа төп 5 проекттан тора. Цифрлы дәүләт идарәсе, цифрлы инфраструктура, цифрлы технологияләр, мәгълүмати куркынычсызлык, цифрлы икътисад. Биш елга исәпләнгән программаның бюджеты 1 трлн 600 млрд сум», — диде Альберт Яковлев.
Кызыклы яңалыкларны күзәтеп бару өчен Телеграм-каналга язылыгыз