Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Татарстанда социаль-мәдәни объектларны капиталь ремонтлау эшләре төгәлләнә
Татарстанда 2025 елда социаль-мәдәни учреждениеләрнең биналарын яңарту программалары кысаларында бер объектта капиталь ремонт эшләрен төгәллисе калган. Бу хакта бүген ТР Хөкүмәте йортында узган киңәшмәдә ТР төзелеш, архитектура һәм торак-коммуналь хуҗалык министры Марат Айзатуллин сөйләде.
Төбәкнең барлык муниципалитетлары белән видео-конференц-элемтә режимындагы киңәшмәне Татарстан Рәисе Рөстәм Миңнеханов үткәрде, дип хәбәр итә республика җитәкчесенең матбугат хезмәте.
«Без социаль-мәдәни объектларны капиталь ремонтлау программаларын төгәлләүгә якынлашабыз. Быел гамәлгә ашырыла торган 34 программаның берсен – медицина стационарларын ремонтлау республика программасын гына төгәллисе калды», – дип билгеләп үтте докладчы.
Министр сүзләренә караганда, Казандагы бер объектта гына эш дәвам итә. «Эш 55 процентка үтәлгән. Ике хисап атнасында Кукмара һәм Әлмәт районнарында урнашкан ике объект әзер булды», - дип аңлатты ул. ТР башкаласындагы объекттагы эшләр ел азагына кадәр төгәлләнәчәк, дип ышандырды министр.
Презентациядән күренгәнчә, сүз 2нче номерлы Казан шәһәр клиник хастаханәсе (стационар бинасы) турында бара.
Яңарту эшләре күптән түгел Кукмара (хирургия комплексының йогышлы авырулар бүлеге бинасы) һәм Әлмәт (стационар, азык-төлек блогы һәм кер юу бүлмәсе бинасы) үзәк район хастаханәләрендә төгәлләнгән.
Кызыклы яңалыкларны күзәтеп бару өчен Телеграм-каналга язылыгыз