Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Татарстанда соңгы биш елда торак-коммуналь хезмәтләр бәясе 16 процентка арткан
Тарифлар буенча дәүләт комитеты рәисе сүзләренчә, иң күп чыгымнар җылылык белән тәэмин итү һәм кайнар су өчен түләүгә тотыла.
(Казан, 6 июль, «Татар-информ», Гадел Әхмәтҗанов). Татарстанның Тарифлар буенча дәүләт комитеты рәисе Александр Груничев сүзләренчә, республикада соңгы биш ел эчендә торак-коммуналь хезмәтләр бәясе 16 процентка кыйммәтләнгән.
«Республикада яшәүчеләрнең торак-коммуналь хезмәтләргә тоткан чыгымнарын анализладык. Ягулык, торак һәм азык-төлек бәяләренең артуы, инфляция процессларына карамастан, соңгы биш елда төбәктә коммуналь хезмәтләрнең бәясе 16 процентка артты», — диде ул бүген Татарстан Хөкүмәте Йортында узган брифингта.
Груничев сүзләренчә, иң күп чыгымнар җылылык белән тәэмин итү һәм кайнар су өчен түләүгә туры килә.
«Коммуналь хезмәтләр структурасына анализ ясау күрсәткәнчә, үзәкләштерелгән җылылык белән тәэмин ителгән уртача статистик гаилә өчен түләүнең иң күп өлешен (30 проценттан артык) ягып җылыту ала. Иң азын — каты коммуналь калдыклар белән эш итү (5 проценттан азрак). Исәп-хисап Казан шәһәре мисалында ясалды», — диде ул.
- Татарстанда, Россиянең башка төбәкләрендә кебек үк, 1 июльдән торак-коммуналь хуҗалык хезмәтләре өчен бәяләр артты. Оешмаларда коммуналь хезмәтләргә тарифлар төрле булырга мөмкин.
Кызыклы яңалыкларны күзәтеп бару өчен Телеграм-каналга язылыгыз