Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Татарстанда шикәр, бензин һәм торак-коммуналь хуҗалык хезмәтләре кыйммәтләнде
Июль аенда Татарстанда бәяләр июнь белән чагыштырганда 0,74 процентка арткан, дип аңлашыла Россия Банкы күзәтүендә китерелгән Росстат мәгълүматларыннан. Республикада еллык инфляция 7,30 процент тәшкил итте, узган айдагы 7,26 процент. Бу Идел буе федераль округы (6,41%) һәм гомумән Россия (5,98%) күрсәткечләреннән югарырак.
Бер ай эчендә иң көчлесе азык-төлек булмаган товарлар кыйммәтләнде – 1,01 процентка. Аерым алганда, мотор ягулыгына бәяләр – 4,72 процентка, матбугат басмалары – 3,75 процентка, элемтә чаралары – 1,49 процентка арткан. Шул ук вакытта смартфоннар һәм чыбыксыз колакчыннар сумның көчсезләнүе фонында кыйммәтләнде.
Июльдә азык - төлек 0,55 процентка кыйммәтләнде. Барыннан да бигрәк шикәргә бәяләр – 7,64 процентка, ит продуктларына – 2,65 процентка, икмәк һәм күмәч эшләнмәләренә – 2,12 процентка арткан. Шикәр бер ел эчендә 20 процентка диярлек кыйммәтләнгән, кош ите – 15,72 процентка. Шул ук вакытта йомырка өченче ай рәттән арзанайды: июльдә алар бәядә 10,69 процентка төште.
Бер ай эчендә хезмәтләр 1,01 процентка кыйммәтләнде. Аерым алганда, рубльнең көчсезләнүе фонында чит ил сәфәрләренең бәясе арткан. Моннан тыш, 1 июльдән торакны карап тотуга тарифлар артты. Бер ел эчендә торак хезмәтләре фатирларны арендалауны исәпкә алмыйча 22,11 процентка кыйммәтләнде.
Тулаем алганда, Татарстанда июль аенда бәяләр Россиягә караганда тизрәк үсте: 0,54 процентка каршы 0,74 процент. Россия Банкында моны, аерым алганда, республика халкының кулланучылар активлыгы арту белән бәйлиләр. Шул ук вакытта Татарстанда ягулык илдәге уртача күрсәткечләргә караганда азрак кыйммәтләнде: базарда вертикаль интеграцияләнгән зур компанияләр станцияләре күбрәк эшли, алар поставкаларны яңадан бүләргә һәм бәяләрне тигезләргә мөмкин.
Яңалыкларны күзәтеп бару өчен Макс-каналга язылыгыз