news_header_top_970_100
Руc Тат
16+
news_header_bot_970_100
Авыл 21 октябрь 2009 12:50

Татарстанда шикәр чөгендере 70 процент мәйданда казып алынган

995,7 мең тонна татлы тамыр җыелган

Скопировать ссылку
(Казан, 21 октябрь, “Татар–информ”, Ирина Игнатьева). Татарстанда шикәр чөгендере 42,5 мең гектар мәйданда казып алынган, бу планлаштырган күләмнең 70 процентын тәшкил итә. Бу хакта “Татар–информ” агентлыгына ТР Авыл хуҗалыгы һәм азык–төлек министрлыгыннан хәбәр иттеләр.
Барлыгы 995,7 мең тонна татлы тамыр җыеп алынган. Республика буенча уңыш гектарыннан уртача 234 центнер тәшкил итә.
Зәй районында әлеге авыл хуҗалыгы культурасын җыю эшләре уңышлы бара, биредә 239,9 мең тонна татлы тамыр эшкәртүгә озатылган инде. Уңыш гектарыннан уртача 280 центнер тәшкил итә. Сарман районында – 180,2 мең (уңыш гектарыннан 349 центнер чыга), Буа районында – 126,4 мең (190 центнер), Нурлат районында 120,5 мең тонна (202 центнер) шикәр чөгендере казып алынган.
ТР Авыл хуҗалыгы һәм азык–төлек министрлыгы мәгълүматларына караганда, бүгенге көндә Татарстанда 50 мең тоннага якын шикәр комы җитештерелгән, аңа ихтыяҗ 150 мең тонна тәшкил итә.

autoscroll_news_right_240_400_1
autoscroll_news_right_240_400_2
news_bot_970_100