Авыл 5 ноябрь 2009 12:10

Татарстанда шәхси хуҗалыклар сөт сату күләмен арттыра

Узган тәүлектә шәхси ярдәмче хуҗалыклар кабул итү пунктларына 350,1 тонна сөт тапшырган

Скопировать ссылку

(Казан, 5 ноябрь, «Татар-информ», Ирина Игнатьева). Татарстанда шәхси хуҗалыклар сөт сату күләмен арттыра. Узган тәүлектә шәхси ярдәмче хуҗалыклар кабул итү пунктларына 350,1 тонна сөт тапшырган. Бу хакта “Татар-информ” мәгълүмат агентлыгына ТР Авыл хуҗалыгы һәм азык-төлек министрлыгында белдерделәр.
Узган тәүлектә җитештерелгән сөтнең гомуми күләме 3376,5 тонна тәшкил иткән, аның 351,1 тоннасы шәхси хуҗалыкларга туры килә. Терлекчелек продукциясенең бу төрен сату күләме узган ел ноябрьдә дә якынча шулкадәр булган.
Сөт җитештерү буенча Буа районы терлекчеләре лидерлыкта, алар тапшыру пунктларына 29,5 тонна сөт тапшырган, Биектау - 24, Арча – 21,4. Чүпрәле районының шәхси ярдәмче хуҗалыклары 20 тонна сөт саткан, ә Чистай – 19, Мамадыш – 14,5, Балтач – 13,8.
Ә менә Алабуга, Бөгелмә, Зәй, Мөслим, Әлмәт һәм ТРның кайбер районнарына сөт сату күләмен арттырырга кирәк, дип саныйлар министрлыкта.

Сәхифәләр

Татарстанда шәхси хуҗалыклар сөт сату күләмен арттыра