Татарстанда сезон башыннан бирле беренче тапкыр талпан боррелиозы очраклары ачыкланган
Скопировать ссылку
Татарстанда сезон башланганнан бирле беренче тапкыр талпан боррелиозы очраклары ачыкланган. Бу хакта Кулланучы хокукларын яклау һәм кеше иминлеге өлкәсендә күзәтчелек федераль хезмәтенең ТР буенча идарәсе хәбәр итә.
Бүгенге көнгә Татарстан хастаханәләренә талпан кадалган 3249 кеше мөрәҗәгать иткән. Шуларның 707се — балалар. Иң еш очраклар Казанда теркәлгән (986 очрак). Аннан соң Чаллы (319 очрак) һәм Әлмәт районы (259 мөрәҗәгать).
Моннан тыш, республикада талпан боррелиозының өч һәм талпан энцефалитының ике очрагы теркәлгән — пациентларга Чиләбе өлкәсендә һәм Новосибирскида ял иткәндә талпан кадалган.