Татарстанда сайлауларда күзәтүчеләр арасында кызлар күбрәк
Әгәр 2011 һәм 2018 елларны чыгыштырсак, сайлауларда күзәтүче булырга кызлар активрак омтыла, дип билгеләп үтте Гыйрфанов.
(Казан, 16 февраль, «Татар-информ», Надежда Гордеева). Татарстанда Россия Президенты сайлауларында 25-35 яшьлек яшьләр күзәтүче булу теләген белдерә. Гариза язучыларның күбесе кызлар. Бу хакта бүген “Татар-информ” агентлыгында матбугат конференциясендә “Гадел сайлаулар өчен” Татарстан төбәк бүлеге җитәкчесе, Россия Юристлар ассоциациясенең Татарстан бүлеге башкарма комитеты рәисе Илнар Гыйрфанов хәбәр итте.
Әгәр 2011 һәм 2018 елларны чыгыштырсак, сайлауларда күзәтүче булырга кызлар активрак омтыла, дип билгеләп үтте Гыйрфанов.
“Күзәтүче кызлар үз эшләренә бик игътибарлы. Алар вак-төяккә дә игътибар итәләр. Егетләр гомуми искәрмәләрне генә күрергә мөмкин, ә кызлар барысын да закон буенча карый, формалистикага кадәр игътибар итәләр”, - диде ул.