Икътисад 17 май 2024 10:12

Татарстанда сарык ите кыйммәтләнде, кыяр һәм помидор арзанайды

Скопировать ссылку

Майның икенче атнасында Татарстанда кыяр һәм помидор бәясе арзанайды. Беренчеләренең бәясе 6,64 процентка, яки килограммы өчен 10 сумга диярлек кимеде, икенчеләренеке – 2,42 процентка, яки 5 сумнан артыкка. Статистика белән Татарстанстат уртаклашты.

2024 елның 6 маена яңа өзелгән кыярның килограммы 132,87 сум булган, помидор бәясе 230,17 сум тәшкил иткән.

Моннан тыш, бәрәңге 1,75 процентка – 26,06 сумга кадәр, балалар өчен ит консервалары 1,46 процентка, ягъни 1010,59 сумга кадәр арзанайган. Токмач, карабодай ярмасы, тары, бодай оны, шикәр, йомырка, балалар өчен яшелчә консервалары, каймак, сөт, көнбагыш мае, сосискалар һәм сарделькалар бәясе 1 процент чикләрендә үзгәргән.

Кайбер продуктлар бәясе, киресенчә, арткан. Әйтик, чөгендер 4,24 процентка, аш тозы 1,81 процентка, маргарин 1,01 процентка, ак май 1,2 процентка кыйммәтләнгән. Шулай ук сарык ите (сөяксездән тыш) бәясе 2,24 процентка – 699,29 сумга кадәр арткан.

Сәхифәләр

Татарстанда сарык ите кыйммәтләнде, кыяр һәм помидор арзанайды