Татарстанда салкын төннән соң +28 градуска кадәр җылы булачак
Скопировать ссылку
Бүген, 22 майда, Татарстанда кичә төньяк антициклон тәэсирендә урнашкан коры, ләкин артык эссе булмаган һава торышы сакланачак. Бу хакта ТР Гидрометеорология үзәге хәбәр итә.
Республикада явым-төшем көтелми. Көньяк-көнчыгыштан көчле җил көндез урыны белән (Казанны да кертеп) секундына 12 метрга кадәр көчәячәк.
Салкын (нульдән 4 градуска кадәр) төннән соң төбәктә һава көндез +23...+28 градуска кадәр җылыначак (Казанда – +25...+27 градуска кадәр).