Җәмгыять 5 декабрь 2016 13:34

Татарстанда салкын тиеп авыручалар саны 4,8 процентка арткан

Әлегә авыручылар саны гадәттәге эпидемиологик чиктән 18,9 процентка азрак, дип искәртә белгечләр.

Скопировать ссылку

(Казан, 5 декабрь, “Татар-информ”). Үткән атнада Татарстанда кискен респиратор вируслы инфекция белән авыруның 15 025 очрагы теркәлгән. Бу күрсәткеч, Татарстанда яшәүче 10 мең кешегә 38,9 очрак күрсәткеченә тиң. Бу хакта Кулланучылар хокукларын яклау һәм кеше иминлеге өлкәсендә күзәтчелек федераль хезмәтенең Татарстан буенча идарәсе матбугат хезмәте хәбәр итә.

Әлегә авыручылар саны гадәттәге эпидемиологик чиктән 18,9 процентка азрак. Шул ук вакытта узган атна белән чагыштырганда, бу күрсәткеч 4,8 процентка күбрәк.

#салкын тию #ОРВИ

Сәхифәләр

Татарстанда салкын тиеп авыручалар саны 4,8 процентка арткан