Татарстанда салкын һәм карлы һава торышы саклана
Бүген, 18 февральдә, Татарстанда циклон тәэсире нәтиҗәсендә карлы һәм шул ук вакытта салкын һава торышы саклана. Бу хакта ТР Гидрометеорология һәм әйләнә-тирәне күзәтү үзәге хәбәр итә.
Республикада аязучан болытлы була. Төбәктә урыны белән, Казанны да кертеп, бераз кар явачак.
Җил көньяк-көнбатыштан исә, аның тизлеге секундына 6-11 метр фаразлана, әмма вакыты белән 13 метрга кадәр көчәячәк, шул исәптән Татарстан башкаласында да. Юлларда бозлавык хасил була.
Иртән Татарстанда һава температурасы -15..-20 градус (аязганда -24 градуска кадәр) була. Көндез һава температурасы -10..-15 градуска кадәр (Казанда -10..-12 градуска кадәр) күтәрелә.
«Татар-информ» хәбәр иткәнчә, атна ахырына республикада -27 градуска кадәр салкын көтелә.