Татарстанда салкын, болытлы һәм явым-төшемнәрсез һава торышы саклана
Скопировать ссылку
Бүген, 8 декабрьдә, республикада һава торышы шартлары сизелерлек үзгәрмәячәк. Бу хакта Татарстанның Гидрометеорология һәм әйләнә-тирә мохитне күзәтү идарәсе хәбәр итә.
Республикада аязучан-болытлы, явым-төшемнәрсез һава торышы саклана.
Көньяктан секундына 6-11 метр тизлектә җил исә. Юлларда, шулай ук Казанда да, урыны белән бозлавык була.
Төнге салкыннардан соң (-17 градус) көндез һава температурасы -4..-9 (Казанда -4..-6 градус) була.