Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Татарстанда «Сәләт» форумының беренче сменасы тәмамлана
Татарстанда 2012 елдан бирле уза торган «Сәләт» – «Сәләт Биләр Форум» форумының беренче сменасы тәмамлана. Бу хакта чараны оештыручылар хәбәр итә.
Форумда җәйге профильле сменаларга конкурс аша сайлап алынган сәләтле балалар һәм талантлы яшьләр катнаша. «Сәләт Биләр Форум» «Сәләт» бергәлегенең ел йомгаклары буенча эшенең кульминацион ноктасы булып тора.
Сменаның форматы лагерьләрнең фән, иҗат, сәнгать һәм спорт кебек профильле юнәлешләре белән бәйле тематик лабораторияләр эшен күздә тота. Смена кысаларында мастер-класслар, ачык очрашулар, воркшоплар, республиканың һәм илнең әйдәп баручы экспертлары белән интерактив әңгәмәләр узды.
«Мин «Сәләт» форумына килдем: мин бирегә ел саен киләм, балалар һәм яшьләргә белемнәремне тапшырам. Татарстанда балалар һәм яшьләрнең һәрьяклап үсеше өчен нигез булдыра торган масштаблы проектлар булу бик шәп», – дип билгеләп үтте чарада булганнан соң Иҗтимагый ярдәм штабы катнашучысы Алинә Гыймалтдинова.
«Миңа калса, «Сәләт» – ул татар теле, милләте һәм мәдәнияте саклана торган урын. Рөстәм Нургалиевич (Татарстан Рәисе Рөстәм Миңнеханов – Т-и. иск.) «Сәләт» проектына бик нык ярдәм итә», – дип өстәде ул.
«Минемчә, талантлы яшьләргә һәм аларның үсеше өчен булдырылган мәйданчыкларга шундый көчле ярдәм күрсәтү бик мөһим», – дип йомгаклады сүзен Гыймалтдинова.
«Сәләт» халыкара яшьләр белем бирү форумы ТР Хөкүмәте ярдәмендә үткәрелә. Чара «Яшьләр һәм балалар» илкүләм проектының максат һәм бурычларына туры килә. Илкүләм проект талантлы балаларга һәм яшьләргә ярдәм итүне, аларга иҗатта һәм спортта үсү өчен шартлар тудыруны күздә тота.
Кызыклы яңалыкларны күзәтеп бару өчен Телеграм-каналга язылыгыз