Җәмгыять 18 сентябрь 2026 16:29

Татарстанда сайлауда катнашучылар саны 23,5 процент тәшкил итә

Скопировать ссылку

Татарстанда Мәскәү вакыты белән 15.00 сәгатькә булган мәгълүматларга караганда, Дәүләт Думасы депутатларын сайлауда катнашучылар саны 23,5 процент тәшкил итә. Бу Россия Федерациясенең «Сайлаулар» дәүләт автоматлаштырылган системасы мәгълүматларыннан күренә.

Бүген Россия Федерациясе Федераль җыены IХ чакырылыш Дәүләт Думасы депутатларын сайлауда өч көнлек тавыш бирү башланды. Республикада сайлау участоклары 8:00 сәгатьтә ачылды. Тавыш бирү 20 сентябрьгә кадәр дәвам итәчәк.
Участоклар көн саен 8:00 сәгатьтән 20:00 сәгатькә кадәр эшли.Татарстанда сайлауларны үткәрүне 65 территориаль сайлау комиссиясе һәм 2,7 меңнән артык участок сайлау комиссиясе тәэмин итә. Республикада барлыгы 2 миллион 923 мең 997 сайлаучы теркәлгән.

Сәхифәләр

Татарстанда сайлауда катнашучылар саны 23,5 процент тәшкил итә