Җәмгыять 11 август 2026 16:40

Татарстанда сайлау өчен волонтерлар әзерлиләр

Скопировать ссылку

Татарстанда «Электораль волонтер мәктәбе» мәгариф программасы башланып киткән. Быел ул республика әһәмиятендәге 14 шәһәрне колачлый. Сайлауда катнашуны максималь дәрәҗәдә уңайлы итүгә юнәлдерелгән проект тавыш бирү көннәрендә сайлаучыларга ярдәм итү өчен волонтерлар әзерләүне күздә тота.

Волонтерлар 4 юнәлеш буенча эшләячәк: 14 шәһәрдә сайлау участокларында сайлаучыларга ярдәм итәчәк, вузларда мәгълүмат стендлары янында эшләячәк, мәгълүмат-белешмә үзәге эшендә катнашачак һәм беренче ярдәм күрсәтү курсларын узачак. Волонтерлар, тавыш бирү процедурасына турыдан-туры катнашмыйча гына, сайлаучыларны тиешле урыннарга озатып йөриячәк. Моның өчен «Волонтеры на участке» сервисы булдырылган. Аннан, аерым алганда, өлкән яшьтәгеләр, физик мөмкинлекләре чикләнгән кешеләр һәм кечкенә балалары белән килгән ата-аналар файдалана алачак.

Сервистан файдалану өчен Дәүләт хезмәтләре порталында «Выборы» бүлегенә керергә яки төп биттә сервисны табарга; сайлау участогында волонтер ярдәме хезмәтен сайларга; тиешле сайлау участогын, килү датасы һәм вакытын күрсәтергә; заявканы тавыш бирүгә кимендә 3 календарь көне кала юлларга кирәк.

Проектта сайлау хокукына ия булган, 18 яшьтән башлап егет-кызлар катнаша ала. Гаризаны добро.рф сайтында тапшырырга мөмкин.

Сәхифәләр

Татарстанда сайлау өчен волонтерлар әзерлиләр