Хәвеф-хәтәр 14 декабрь 2023 20:33

Татарстанда сабый балалар бакчасында пешкәннән соң җинаять эше ачылган

Скопировать ссылку

Тикшерүчеләр Түбән Камадагы бер балалар бакчасында тәрбияләнүче сабый пешкәннән соң җинаять эше кузгатты.

Гадәттән тыш хәл Түбән Каманың 82нче «Солнечные лучики» балалар бакчасында ноябрь башында булган. Тәрбияче, сабыйның әнисенә шалтыратып, бакчага килүен сораган, кызыгыз пеште дип әйткән. Хатын-кыз балалар бакчасына килгәч, кызының тәрбияче кулында елап утыруын күргән. Мәктәпкәчә белем бирү учреждениесендә әйтүләренчә, кече тәрбияче баланы юган, аңа подгузник кидергән һәм йокларга яткырган, йокыдан уянганнан соң аның тәне пешүе ачыкланган.

Әнисе, кызын алып, балалар хастаханәсенең кабул итү бүлегенә киткән, биредә баланың икенче дәрәҗәдә пешүен ачыклап, ашыгыч рәвештә хастаханәгә салганнар.

Нәтиҗәдә, «Ваемсызлык» маддәсе буенча җинаять эше кузгатылган.

«Җинаять эшен тикшерүне прокуратура контрольдә тота», - дип хәбәр итте «Татар-информ» агентлыгына ТР прокурорының гаммәви мәгълүмат чаралары һәм җәмәгатьчелек белән хезмәттәшлек буенча өлкән ярдәмчесе вазифаларын башкаручы Руслан Шакиров.

Сәхифәләр

Татарстанда сабый балалар бакчасында пешкәннән соң җинаять эше ачылган