Татарстанда Сабантуй бәйрәмен беренчеләрдән булып Түбән Камада билгеләп үтәчәкләр
Быел шәһәр һәм районда яшәүчеләр, Россия төбәкләреннән килгән күпсанлы кунаклар Сабантуйны җәй башында ук билгеләп үтәчәк
(Түбән Кама, 13 май, “Татар-информ”, Сергей Толмацкий). Быел түбәнкамалылар Сабантуй бәйрәмен гадәттәгедән бераз алдарак – 5 июньдә билгеләп үтәчәк. Күркәм гадәткә кергәнчә ул “Ильинка” мәдәни-спорт комплексы территориясендә узачак.
Оештыручылар билгеләп үткәнчә, Түбән Кама Сабан туе кунакларын күп кенә сюрпризлар көтә. Татарстан территориясендә яшәүче халыкларның гамәли сәнгать эшләнмәләре күргәзмәсе – шуларның берсе. Бәйрәмнең программасы, башка еллардагы кебек үк, төрле мәдәни һәм спорт чараларына бай. Аларны карарга һәм үзләре дә катнашырга илнең барлык төбәкләреннән мактаулы кунаклар киләчәк.
Шәһәр мэры Айдар Метшин Сабантуйга әзерлек дәрәҗәсен тикшерде. Ул Мәйданны (хәзерге вакытта биредә территорияне тәртипкә китерәләр һәм сәүдә рәтләре өчен урыннар әзерлиләр), аттракционнарны, экспозицияләрне, спорт һәм концерт мәйданчыкларын карады. Түбән Кама муниципаль районы башлыгы бәйрәмне оештыруда җаваплы затлар алдында Сабантуйны югары дәрәҗәдә үткәрү бурычын куйды. “Бәйрәм күңелле һәм кызыклы үтсен өчен барысы да эшләнер дип өметләнәм”, - диде Айдар Метшин.
Оештыручылар билгеләп үткәнчә, Түбән Кама Сабан туе кунакларын күп кенә сюрпризлар көтә. Татарстан территориясендә яшәүче халыкларның гамәли сәнгать эшләнмәләре күргәзмәсе – шуларның берсе. Бәйрәмнең программасы, башка еллардагы кебек үк, төрле мәдәни һәм спорт чараларына бай. Аларны карарга һәм үзләре дә катнашырга илнең барлык төбәкләреннән мактаулы кунаклар киләчәк.
Шәһәр мэры Айдар Метшин Сабантуйга әзерлек дәрәҗәсен тикшерде. Ул Мәйданны (хәзерге вакытта биредә территорияне тәртипкә китерәләр һәм сәүдә рәтләре өчен урыннар әзерлиләр), аттракционнарны, экспозицияләрне, спорт һәм концерт мәйданчыкларын карады. Түбән Кама муниципаль районы башлыгы бәйрәмне оештыруда җаваплы затлар алдында Сабантуйны югары дәрәҗәдә үткәрү бурычын куйды. “Бәйрәм күңелле һәм кызыклы үтсен өчен барысы да эшләнер дип өметләнәм”, - диде Айдар Метшин.