Татарстанда сәяси партияләрнең 66 төбәк бүлеге теркәлгән
Агымдагы елның апрелендә теркәлгән “Самодержавная Россия” сәяси партия бүлеге ябылган
(Казан, 20 октябрь, «Татар-информ»). 16 октябрьгә булган мәгълүматларга караганда, Татарстан Республикасында сәяси партияләрнең 66 төбәк бүлеге теркәлгән, дип хәбәр ителә бүген ТР Үзәк сайлау комиссиясе сайтында.
Агымдагы елның апрелендә теркәлгән “Самодержавная Россия” сәяси партия бүлеге ябылган. Сентябрьдә ТР да “Казачья партия Российской Федерации” партиясе бүлеге регистрацияләнгән.
ТР территориясендә теркәлгән сәяси партияләрнең төбәк бүлекләренең тулы исемлеге белән республика Үзәк сайлау комиссиясе сайтында танышырга мөмкин.