news_header_top_970_100
news_header_bot_970_100

Татарстанда сөтне сатып алу бәяләре 40 процентка артты

Бәяләр турындагы мәгълүматларны Татарстанның сөт эшкәртү предприятиеләре китерде

(Казан, 17 ноябрь, “Татар–информ”). Татарстанның сөт эшкәртү предприятиеләре мәгълүматларына караганда, Татарстанда сөтне сатып алу бәяләре уртача 40 процентка артты, дип хәбәр итә ТР Авыл хуҗалыгы һәм азык–төлек министрлыгының матбугат хезмәте.
Сентябрь башында республика авыл хуҗалыгы предприятиеләре сөтне 6,2–7,9 сумнан эшкәртүгә җибәрә иде. Бу көннәрдә сөт эшкәртү предприятиеләре сөтнең бер литрын 9,2–11,5 сумга сатып ала.
Мисал өчен, Биектау районының Әлдермеш сөт заводы сөтнең литрын 11,2 сумга сатып ала, бу сентябрь бәяләреннән 4,7 сумга кыйммәтрәк. Үсеш 55 процент тәшкил итә. “Яшел Үзән сөт комбинаты” ААҖндә сөтне сатып алу бәяләре 63 процентка артты һәм бер литры 11,54 сумга җитте. “Эдельвейс–М” ЯАҖндә бәяләр – 48, “Вамин–Татарстан” ААҖндә – 39, “Казан сөт комбинаты” ААҖ филиалында – 36, “Алабуга сөте” ААҖндә 38 процентка артты.




news_right_column_1_240_400
news_right_column_2_240_400
Медиаметрикс
news_bot_970_100