Хәвеф-хәтәр 26 декабрь 2017 19:38

Татарстанда рудник шартлау эше буенча тау мастеры тоткарланган

Тау мастеры шартлаткычны гамәлдән чыгару турында документка кул куйган.

Скопировать ссылку

(Казан, 26 декабрь, "Татар-информ"). Татарстанда рудник шартлау эше буенча 58 яшьлек тау мастеры Константин Макаров тоткарланган. Бу хакта Россия Тикшерү комитетының Татарстан буенча Тикшерү идарәсе җитәкчесенең өлкән ярдәмчесе Андрей Шептицкий җиткерде.

Кама Тамагы районының “Фоника гипс” предприятиесендә гипс табучы шахтадан чыгу юлында шартлау нәтиҗәсендә 54 һәм 27 яшьлек ике кеше үлгән.

Тикшерү фаразлары буенча, кичә рудникта эшләүчеләр автомобильгә алып чыгу өчен аммониттан бушаган тартмалар төягән. Әмма анда кулланылмаган шартлаткыч булган. Автомобиль рудниктан чыккач, детонация барлыкка килгән, нәтиҗәдә автомобильдәге эшчеләр урында ук һәлак булган.

Шартлаткычны гамәлдән чыгару турында документка тау мастеры кул куйган.

Россия Тикшерү комитеты тикшерүчеләре аңа карата ирегеннән чикләү чарасын карый һәм “Тау, төзелеш һәм башка эшләр алып барганда икедән артык кеше үлеменә китергән куркынычсызлык кагыйдәләрен бозу” факты буенча кузгатылган җинаять эшен тикшерүне дәвам итәләр.

#Кама Тамагында шартлау

Сәхифәләр

Татарстанда рудник шартлау эше буенча тау мастеры тоткарланган