Татарстанда Россиядә беренче тапкыр бердәм беренче курс студентлары көне уза
18 сентябрьдә Татарстанның 10 шәһәрендә бердәм беренче курс студентлары көне узачак. Яңа гына белем ала башлаган барлык студентларны бер мәйданчыкка җыячаклар. Анда белем бирү һәм күңел ачу программалары әзерләнәчәк . Бу хакта «Татар-информ»да узган матбугат конференциясендә ТР яшьләр эшләре министры урынбасары Владислав Усанов сөйләде.
«Иртәдән башлап һәр югары уку йортында студентларның ректорлар белән традицион очрашуы булачак, ә төштән соң без бердәм беренче курс студентлары көнен оештырачакбыз. Казанда төп мәйданчык «Казан» гаилә үзәге булачак», – дип аңлатты ул.
Мондый программа Татарстанның тагын тугыз шәһәрендә оештырыла. Бәйрәмгә беләзек белән кертәчәкләр, ул бу көннәрдә бөтен ил буйлап узачак сайлауларда тавыш биргәндә биреләчәк.