Татарстанда росгвардиялеләргә яңа эш машиналары тапшырдылар
Росгвардиянең ТР буенча идарәсенең ведомстводан тыш сак бүлекчәләре карамагында 14 мең объект һәм 42 мең фатир бар.
(Казан, 20 декабрь, «Татар-информ»). Татарстанда Росгвардия ведомстводан тыш сак хезмәткәрләренә яңа эш машиналары ачкычларын тапшырдылар. Бу хакта ведомствоның матбугат хезмәте хәбәр итә.
Татарстанда ведомстводан тыш сак башлыгы полиция подполковнигы Роман Гордеев бүлекчәләр җитәкчеләренә 9 «Лада Гранта» һәм 2 «УАЗ Патриот» яңа автомобильләре ачкычларын тапшырды.
Машиналар дәүләт оборона заказы буенча эшләнгән. Автомобильләр махсус техника, видеотеркәү һәм навигация системалары белән җиһазланган.
Росгвардиянең ТР буенча идарәсенең ведомстводан тыш сак бүлекчәләре карамагында 14 мең объект, 42 меңнән артык фатир һәм гражданнарның милкен саклаучы башка урыннар. Тәүлек саен 78 мобиль наряд кизү тора. Агымдагы елның 11 аенда кизү часте заявкалары буенча 19 мең тапкыр барган һәм 1223 җинаятьне ачыклаган.