Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татарстанда ришвәтнең уртача күләме арткан
Быел 10 айда коррупциянең 722 очрагы ачыкланган
(Казан, 19 ноябрь, ”Татар-информ”, Лилия Локманова). Татарстанда ришвәтнең уртача күләме арткан. Узган елларда ул 14-24 мең тирәсендә тибрәлсә, быел бу сан 89 мең сумга кадәр җиткән.
ТР буенча ЭЭМның икътисади куркынычсызлык һәм коррупциягә каршы идарәсе җитәкчесе Ринат Акчурин хәбәр иткәнчә, быел 10 айда коррупциянең 722 очрагы ачыкланган. Шуларның 615 ендә дәүләт органнарында эшләүчеләр (вазифаи вәкаләтләрне үз файдасына файдалану, ришвәтчелек һ.б.) җаваплылыкка тартылган.
Ришвәтчелеккә килгәндә, 10 ай эчендә ришвәт бирү, алу һәм арадашчы булуның 229 очрагы теркәлгән. Шуларның 18 очрагында ришвәт зур күләмдә булган. Ришвәт алу һәм бирүдән килгән зыян 20 миллион сумнан артып китә.
394 очрак буенча ачылган җинаять эшләре судка җибәрелгән, ә 172 кеше коррупциядә гаепләнелеп, җаваплылыкка тартылганлыгы хакында хәбәр итте бүген “Татмедиа” Республика матбугат һәм массакүләм коммуникацияләр агентлыгында узган брифингта Ринат Акчурин.
Кызыклы яңалыкларны күзәтеп бару өчен Телеграм-каналга язылыгыз