Җәмгыять 26 июнь 2020 14:46

Татарстанда РФ Конституциясенә төзәтмәләргә тавыш бирү белән бәйле кайнар линия эшли

Республикада яшәүчеләрдән сайлау хокуклары бозылуга килгән барлык шикаятьләр буенча да тикшерүләр үткәреләчәк.

Скопировать ссылку

(Казан, 26 июнь, «Татар-информ», Наталья Рыбакова). РФ Конституциясенә үзгәрешләр кертү мәсьәләсе буенча гомумроссия тавыш бирү вакытында ТРда Кеше хокуклары буенча вәкаләтле вәкил аппараты Татарстан халкы өчен кайнар линия эшен ачты. Бу хакта бүген «Татар-информ» мәгълүмат агентлыгында узган матбугат конференциясендә ТРда Кеше хокуклары буенча вәкаләтле вәкил Сәрия Сабурская хәбәр итте.

«Без ТР Иҗтимагый палатасы белән берлектә кайнар линия эшен ачабыз. +7 (939) 345-37-50 мобиль телефоны буенча шалтырату көн саен кабул ителәчәк. 1 июльдә кайнар линия телефоны иртәнге сәгать сигездән кичке сәгать сигезгә кадәр эшләячәк», - дип хәбәр итте ул.

Сабурская, республикада яшәүчеләр үзләрен кызыксындырган сорауларны 236-41-80 телефонына Татарстан Республикасында Кеше хокуклары буенча вәкаләтле вәкил аппаратының кабул итү бүлмәсенә шалтыратып бирә алалар, дип өстәде. Монда сайлау хокукларын бозу фактлары турында хәбәр итәргә мөмкин. Әлеге фактлар буенча тикшерү үткәреләчәк.

«Гражданнардан кергән мөрәҗәгатьләргә мониторинг үткәрә һәм сайлаулар барышы турында массакүләм мәгълүмат чараларында һәм социаль челтәрләрдә бастырыла торган барлык мәгълүматны күзәтә торган эшче төркем төзелде», — диде спикер.

#Россия конституциясенә төзәтмәләр #кайнар линия #сайлау

Сәхифәләр

Татарстанда РФ Конституциясенә төзәтмәләргә тавыш бирү белән бәйле кайнар линия эшли