Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татарстанда прокуратура 140 эшчегә хезмәт хакларын түләткән
Агымдагы елның август-сентябрь айларында хезмәт хакы буенча бурыч 1,7 миллион сумнан арткан.
(Казан, 17 ноябрь, «Татар-информ»). Казанның Идел буе районы прокуратурасы “Катыргы-полиграфия эшләнмәләре” уку-производство предприятиесенең 140 хезмәткәренә хезмәт хакы түләмәү фактын ачыклаган, дип хәбәр итте прокурорның өлкән ярдәмчесе Руслан Галиев.
Прокуратура тикшерүе нәтиҗәләре буенча предприятие директорына карата “Билгеләнгән вакытта хезмәт хакы түләмәү” маддәсе буенча административ хокук бозу турында эш ачылган.
Тикшерү нәтиҗәләре Татарстан Дәүләт хезмәт инспекциясенә җибәрелгән. Директор исеменә хокук бозуны бетерү һәм гаепле затларны дисциплинар җаваплылыкка тарту турында күрсәтмә бирелгән.
Прокуратура хезмәткәрләре ярдәме белән 1 миллион сумнан артык бурыч түләтелгән. Хезмәт хакы буенча бурычларны тулысынча түләтеп бетерү прокуратура контроленә алынган.
Кызыклы яңалыкларны күзәтеп бару өчен Телеграм-каналга язылыгыз