Хәвеф-хәтәр 2 ноябрь 2017 17:06

Татарстанда полиция хезмәткәренә зыян салган хатын-кызны хөкем итәләр

Аксубай районы прокуратурасы җинаять эшен Аксубай районы судына җибәргән.

Скопировать ссылку

(Казан, 2 ноябрь, "Татар-информ"). Аксубайда яшәүче хатын-кыз үз вазифасын үтәүче хөкүмәт вәкиленә карата сәламәтлегенә һәм тормышына куркыныч тудыруда кылган җинаяте өчен гаепләнә, дип җиткерә Татарстан прокуроры өлкән ярдәмчесе Руслан Галиев.

Аксубай районы прокуратурасы гаепләү эшен судка җибәргән.

Тикшерү фаразлары буенча, 21 октябрьдә балигъ булмаганнар эше буенча полиция хезмәткәре булган хатын-кыз өйдә кечкенә балаларның әниләре каравыннан башка булулары турындагы хәбәрне тикшерергә килгән. Шәхси йорттагы хатын-кыз балигъ булмаганнар эше буенча инспекторның башына металл предмет белән суккан. Нәтиҗәдә, инспекторның маңгае һәм күз кабагы яраланган.

Үз гаебен Аксубайда яшәүче хатын-кыз тулысынча таныган һәм хөкемне судтан башка гына чыгаруларын сораган.

Аксубай районы прокуратурасы җинаять эшен Аксубай районы судына җибәргән.

#җинаять

Сәхифәләр

Татарстанда полиция хезмәткәренә зыян салган хатын-кызны хөкем итәләр