Хәвеф-хәтәр 7 октябрь 2019 21:13

Татарстанда полиция хезмәткәре һәлак булу сәбәбен ачыклыйлар

Ату коралыннан яраланган полицейскийны кабинетта табып алалар, шунда ук табибларны чакырталар, тик ул хастаханәгә барганда үлә.

Скопировать ссылку

(Казан, 7 октябрь, «Татар-информ»). Татарстан буенча Эчке эшләр министрлыгының ведомство биналарының берсендә полиция хезмәткәренең һәлак булу сәбәпләрен ачыклыйлар. Бу хакта «Татар-информ»га ведомствоның матбугат хезмәтендә хәбәр иттеләр.

«7 октябрьдә Татарстан Республикасы буенча Эчке эшләр министрлыгының бер бинасында полиция хезмәткәре табель коралыннан атып, үзен яралаган», – диделәр агентлыкка Татарстан буенча Эчке эшләр министрлыгының матбугат хезмәтендә.

Ашыгыч ярдәм табиблары ир-атка тиешле ярдәмне күрсәтсә дә, бөтен тырышлыкларына карамастан, ул хастаханәгә барганда вафат була.

Полицейский һәлак булу турында Татарстан Эчке эшләр министры урынбасары Алексей Завгородний җитәкчелегендә комиссия төзелгән. Хезмәт тикшерүе үткәрелә.

#һәлак булган #полицейский

Сәхифәләр

Татарстанда полиция хезмәткәре һәлак булу сәбәбен ачыклыйлар