Хәвеф-хәтәр 14 октябрь 2014 13:01

Татарстанда поезд вагонында ике тимерюлчы янып үлгән

Янгын “Яшел Үзән” тимер юл станциясенә килеп җитәрәк чыккан

Скопировать ссылку

(Казан, 14 октябрь, “Татар-информ”). Татарстанда Россия Тикшерү комитетының Идел буе транспортта тикшерү идарәсе, бүген 14 нче октябрь көнне иртән эшче поезд вагонында килеп чыккан янгын нәтиҗәсендә, ике кеше үлеме буенча тикшерү үткәрә.

Россия Гадәттән тыш хәлләр министрлыгының ТР буенча Баш идарәсе матбугат хезмәтендә, хуҗалык эшләре өчен каралган тимер юл вагонының януы турындагы хәбәрнең бүген иртән 4 сәгать 53 минутта килеп ирешүе турында ачыклык керттеләр. Вагон тулысынча яныпа беткән, янгын мәйданы 75 кв. м булган.

Тикшерү мәгълүматларына караганда, “Яшел Үзән” тимер юл станциясенә килеп җитәрәк, эшче поезд вагоннарының берсендә төтен чыга, һәм ут каба. Тимер юл станциясендә хуҗалык эшләре өчен вагон составтан ычкындырыла, һәм янгынны сүндерү өчен чаралар күрелә. Янгын сүндерелгәч, янып беткән тимер юл вагонын караганда, тимер юлда эшләүче ике хезмәткәрнең үле гәүдәсе табылган.

“Хәзерге вакытта фаҗиганең барлык нечкәлекләрен ачыклауга юнәлдерелгән тикшерү чаралары комплексы уздырыла. Вакыйга урыны тикшерелә, экспертизалар билгеләнгән, шаһитләр сорала, сорау алу органнарына йөкләмәләр бирелгән”, - дип сөйләде Россия Тикшерү комитетының Идел буе транспортта тикшерү идарәсе җитәкчесенең өлкән ярдәмчесе Дмитрий Захаров.

Сәхифәләр

Татарстанда поезд вагонында ике тимерюлчы янып үлгән