Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татарстанда пилотсыз очу аппаратларын файдаланган өчен штраф керттеләр
Татарстанда база әзерлеге режимы гамәлдә булган вакытта пилотсыз очу аппаратларын файдаланган өчен штраф керттеләр. Депутатлар алтынчы чакырылыш Дәүләт Советының 45нче утырышында ТР Административ хокук бозулар кодексына шул хактагы үзгәрешләрне бертавыштан хуплады.
«Махсус операция шартларында Татарстанда база әзерлеге режимы кертелде, аның кысаларында ТР Рәисе халыкны һәм территорияләрне табигый һәм техноген характердагы гадәттән тыш хәлләрдән саклау юнәлешендә чаралар үткәрү, шулай ук РФ Кораллы көчләре, хәрби берләшмәләр, халык ихтыяҗларын канәгатьләндерү өчен чаралар гамәлгә ашыру буенча карарлар кабул итә», - диде ТР прокуроры Илдус Нәфыйков.
Татарстанда база әзерлеге режимы 2022 елның октябрендә кертелде. Шуннан соң ноябрь аенда республика җитәкчесе Рөстәм Миңнеханов пилотсыз һава судноларын файдалануны тыйды, дип искәртте ул.
Әйтик, дроннардан файдаланган өчен гражданнарны – 1-4 мең, вазифаи затларны – 15-40 мең, юридик затларны 200-300 мең сум күләмендә штрафка тартачаклар. Законны кабат бозган очракта штрафның күләме гражданнарга – 5 мең, вазифаи затларга – 50 меңгә, оешмаларга 500 мең сумга кадәр тәшкил итәргә мөмкин.
Кызыклы яңалыкларны күзәтеп бару өчен Телеграм-каналга язылыгыз