Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Татарстанда педагогларны Telegram-ботлар ясарга өйрәтәчәкләр
Татарстанда педагогларны Telegram-ботлар ясарга өйрәтә башладылар. Проект инициаторлары уйлавынча, мондый укыту белем бирү сыйфатын яхшыртуга һәм укучыларны цифрлы җәмгыятьтә тормышка әзерләүгә ярдәм итәчәк. Бу хакта Татарстан Дәүләт идарәсен цифрлы нигездә үстерү, мәгълүмат технологияләре һәм министрлыгы матбугат хезмәте хәбәр итә.
Дәресләрне IT-паркның муниципаль филиаллары булган районнар кураторлары үткәрә. Балтач IT-паркында укытучыларны югары квалификацияле информатика укытучысы Ракил Закиров өйрәтә. Чаралар «Мәгълүматлар икътисады һәм дәүләтнең цифрлы трансформациясе» илкүләм проекты ярдәмендә гамәлгә ашырыла.
Дәрестә район башкарма комитеты мәгариф идарәсе җитәкчесе Ренат Мөхәрләмов, аның урынбасарлары, методистлар, мәгариф учреждениеләре директорлары катнашты.
Telegram-ботлар мәктәп тормышында күп нәрсәне автоматлаштырырга мөмкинлек бирә. Алар уку процессын оештыруда, өй эшләрен таратуда, белемнәрен тикшерүдә, укучылардан һәм ата-аналардан кире элемтә алуда ярдәм итә ала.
«Педагогларны мондый технологияләргә өйрәтү - мәгариф системасын уңышлы үстерүнең төп факторы. Мондый чаралар укытучыларга белем бирү инновацияләренә керергә һәм укучыларны киләчәккә чакыруларга әзерләргә ярдәм итә», - дип шәрехләде Татарстан дәүләт идарәсен цифрлы нигездә үстерү, мәгълүмат технологияләре һәм элемтә министры Айрат Хәйруллин.
Кызыклы яңалыкларны күзәтеп бару өчен Телеграм-каналга язылыгыз