Татарстанда парковкадан бушлай файдалану хокукы булган категорияләрне атадылар
Скопировать ссылку
Татарстанда инвалидлар үзләре мөстәкыйль рәвештә машина белән идарә иткән яки аларны башка кеше йөрткән очракта автомобильне парковкага бушлай куя ала. Әлеге ташламадан кайсы категория кешеләр файдалана ала – «Татар-информ» материалында.
Ташлама кемгә бирелә
- I һәм II төркем инвалидларга;
- хәрәкәт итү сәләте теләсә кайсы дәрәҗәдә чикләнгән III төркем инвалидларга (Реабилитация яки абилитация индивидуаль программасында язу таләп ителәчәк);
- 2020 елның 1 июленә кадәр медицина-социаль экспертиза бюросында «Инвалид» билгесе алган III төркем инвалидларга;
- сәламәтлек мөмкинлекләре чикләнгән балаларга.
Реестрга ничә автомобиль кертергә мөмкин
Ташлама инвалид кешегә рәсмиләштерелгән бер генә машинага бирелә. Яңа транспорт чарасын өстәгән очракта искесе автомат рәвештә базадан алып ташлана.