news_header_top_970_100
news_header_bot_970_100

Татарстанда ОРВИ белән авыручылар саны арткан

29 гыйнвардан 4 февральгә кадәр республикада 16 мең 680 кешенең ОРВИ белән авыруы теркәлгән.

(Казан, 5 февраль, “Татар-информ”). Татарстанда ОРВИ белән авыручылар саны артып киткән. Бу хакта Кулланучылар хокукларын яклау һәм кеше иминлеге өлкәсендә күзәтчелек федераль хезмәтенең Татарстан буенча идарәсе матбугат хезмәте хәбәр итте.

29 гыйнвардан 4 февральгә кадәр республикада 16 мең 680 кешенең ОРВИ белән авыруы теркәлгән. Бер атна элек авыручылар саны бары 15 мең генә булган.

Белгечләр төбәктә авыру дәрәҗәсе эпидемиологик баскычтан 13,8 процентка түбән, дип белдерә.
 

news_right_column_1_240_400
news_right_column_2_240_400
Медиаметрикс
news_bot_970_100