Татарстанда ОРВИ белән авыручылар артып киткән
6 - 12 ноябрьдә, ягъни бер атна эчендә, республикада авыруның 12 мең 404 очрагы теркәлгән.
(Казань, 13 ноябрь, “Татар-информ”). Татарстанда ОРВИ белән авыручылар нык арткан, дип хәбәр итә Кулланучылар хокукларын яклау һәм кеше иминлеге өлкәсендә күзәтчелек федераль хезмәтенең Татарстан идарәсе матбугат хезмәте.
6 - 12 ноябрьдә, бер атна эчендә, республикада авыруның 12 мең 404 очрагы теркәлгән.
Узган атнада – 30 октябрьдән 5 ноябрьгә кадәр 10 мең 291 очрак теркәлгән булган.
Шулай итеп, бу арада авыручылар саны 2 мең кешегә, ягъни 18 процентка арткан. Бүгенге көндә авыру дәрәҗәсе эпидемия чигеннән 4,3 процентка ким, - дип җиткерделәр Кулланучылар хокукларын яклау һәм кеше иминлеге өлкәсендә күзәтчелек федераль хезмәтенең Татарстан идарәсе матбугат хезмәтендә.